BBC-ის მუსიკალური ჟურნალი "Music" ბათუმის შესახებ სტატიას აქვეყნებს სათაურით "ძირეული ცვლილებები შავ ზღვაზე- ბათუმი : საქართველო". (Major Changes by the Black Sea - Batumi: Georgia). სტატია ბათუმს და შავი ზღვის ამ ულამაზეს ქალაქში დაარსებულ მუსიკისალურ ფესტივალს ეძღვნება.
11 მარტს, 12:00 საათზე, ბათუმის ბულვარის შესასვლელში აჭარის ტურიზმისა და კურორტების დეპარტამენტის თავმჯდომარემ ტურიზმის ახალი საინფორმაციო ცენტრი გახსნა. ბულვარის საინფორმაციო ცენტრი იმ საერთო დიზაინის სტანდარტს აკმაყოფილებს, რომელიც აჭარის ტურიზმისა და კურორტების დეპარტამენტმა 2014 წელს სპეციალურად შეიმუშავა და საქართველოს დროშის ფერებშია გადაწყვეტილი.
9-13 მარტს აჭარის ტურიზმისა და კურორტების დეპარტამენტი სომხეთიდან მოწვეულ ტურ-ოპერატორებს მასპინძლობს. 9 ტურისტული სააგენტოს წარმომადგენელი რეგიონის ღირშესანიშნაობებსა და ტურისტულ ობიექტებს გაეცნობიან და თავიანთ მომხმარებელს აჭარის შესახებ განახლებულ ტურისტულ პაკეტებს შესთავაზებენ.
5-7 მარტს, აჭარის ტურისტულ პოტენციალს ყაზახეთიდან მოწვეული 9 ტურ-ოპერატორი გაეცნობა. სტუმრებს შორის იმყოფება ყაზახეთის ტურიზმის ასოციაციის წარმომადგენელიც. საინფორმაციო ტური აჭარის ტურიზმისა და კურორტების დეპარტამეტის ორგანიზებით ტარდება.
4-დან 8 მარტის ჩათვლით, აჭარის ტურიზმისა და კურორტების დეპარტამენტი ბერლინში, საერთაშორისო ტურიზმის გამოფენა-ბაზრობა "ITB 2015"-ში მონაწილეობს. აჭარა გამოფენაზე საქართველოს ტურიზმის ეროვნულ ადმინისტრაციასთან ერთადაა წარდგენილი.
