აჭარის ტურიზმისა და კურორტების დეპარტამენტმა 10-11 თებერვალს მონაწილეობა მიიღო ისრაელის ყოველწლიურ საერთაშორისო ტურისტულ გამოფენაში IMTM-2015. თელავივის 21-ე საერთაშორისო ტურისტული გამოფენა აღმოსავლეთ ხმელთაშუაზღვისპირეთში ერთ-ერთი ყველაზე მნიშვნელოვანი ტურისტული გამოფენაა, მასში 40-ზე მეტი ქვეყნის 1200-მდე მონაწილეა ჩართული.
ბრიუსელში, ბელგიელი და უცხოელი ჟურნალისტების ასოციაციის იანვრის პერიოდულ გამოცემაში აჭარის შესახებ სტატია დაიბეჭდა. სტატიის ავტორია ბატონი ჟან-პიერ ლამბო, ვალონიის (ბელგია) ტურიზმის მთავარი კომისარი, რომელიც ბათუმში აჭარის ტურიზმის დეპარტამენტის მოწვევით იმყოფებოდა.
აჭარა-საქართველოს ტურისტული პოტენციალის შესახებ პოპულარულ პოლონურ ბლოგებზე 50-ზე მეტი სტატია გამოქვეყნდა. სხვადასხვა თემატიკის მიხედვით სტატიები მომზადდა იმ ბლოგერების მიერ, რომლებმაც საქართველოში 2014 წლის ნოემბრის თვეში იმოგზაურეს.
ტურიზმის დეპარტამენტის სტატისტიკური მონაცემებით, რეგიონის ტერიტორიაზე ტურისტთა განთავსების ობიექტების მიხედვით აჭარას 2014 წლის იანვარ-დეკემბერში 10.47%-ით მეტი ტურისტი სტუმრობდა 2013 წლის ანალოგიურ პერიოდთან შედარებით.
2014 წელი წარმატებული წელი იყო ტურიზმის საინფორმაციო ცენტრებისათვის. აღსანიშნავია, რომ 2014 წელს ტურიზმის საინფორმაციო ცენტრებმა 5-ივე მინიციპალიტეტი მოიცვა. 2014 წლის სეზონზე აჭარაში 8 საინფორმაციო ცენტრი ფუნქციონირებდა.
