აჭარის თვალწარმტაცი ბუნება, ფლორისა და ფაუნის მრავალფეროვნება და სტუმართმოყვარე მოსახლეობა სოფლად ტურზმის განვითარების საუკეთესო წინაპირობაა. სოფლად ტურიზმის განვითარებისათვის აჭარის სოფლებში შერჩეული იქნა ტურისტული მეურნეობები, სადაც ტურისტებს საშუალება აქვთ დატკბნენ სოფლად ტურიზმით და ჩაერთონ სხვადასხვა საქმიანობებში.

სოფელი ვაიო (ქედის მუნიციპალიტეტი)

მდებარეობა:

• ბათუმიდან 47 კილომეტრის დაშორებით,
• ზღვის დონიდან 380 მეტრის სიმაღლეზე.

წლის პეროდი: ზაფხული, შემოდგომა.

აქტივობები: ღვინის დაყენება ან არყის გამოხდა (სეზონურად) მესაქონლეობის, მეფრინველეობის, მებოსტნეობის, მეფუტკრეობის ტრადიციული წესების შესწავლა, ადგილობრივი კერძების დამზადების ტრადიციული წესების შესწავლა, ჰაიკინგი, კემპინგი, ისტორიულ-კულტურული ძეგლების მონახულება, ნადირობა, თევზაობა, ხალხური რეწვის შესწავლა - ქსოვა, ქარგვა, გოდრის და კალათების დაწნა.