27 აპრილს, დილის 7 საათზე, ბათუმის პორტს 2014 წლის სეზონის პირველი საკრუიზო ხომალდი ეწვია. "Black Sea Cruises Line"-ზე 100 უცხოელი ტურისტი იმყოფებოდა, რომლებსაც სხვადასხვა საექსკურსიო პროგრამით მომსახურება გაუწია ადგილობრივმა ტურისტულმა კომპანიამ "Adjara Tour".

29 აპრილს უკვე მეორე საკრუიზო ხომალდი "Silver Wind" შემოვა ბათუმის პორტში, რომელზედაც ეკიპაჟის წევრებთან ერთად 210 ადამიანი იმყოფება.

აღსანიშნავია, რომ საკრუიზო ტურიზმის სტატისტიკის მიმართულებით დადებითი ტენდენცია შეინიშნება. თუკი 2012 წელს 10-მდე საკრუიზო ხომალდის სტუმრობდა რეგიონს, 2013 წელს მისი რიცხვი 16-მდე გაიზარდა, 2014 წელს კი 26 საკრუიზო გემის შემოსვლაა დაგეგმილი.