რეგიონის პოპულარიზაციის მიზნით აჭარის ტურიზმისა და კურორტების დეპარტამენტი თურქეთის რესპუბლიკაში 5 თვიან პიარ კამპანიას აწარმოებს.

სარეკლამო კამპანიის ფარგლებში 19-21 ივლისს ბათუმს თურქეთის ერთ-ერთი წამყვანი ბლოგერი (სამეულშია შესული) ქემალ ქაია სტუმრობდა. იგი ამასთანავე მსოფლიოში ყველაზე მსხვილი სამოგზაურო Facebook გვერდის მფლობელია.

ბლოგერმა ბათუმში ვიზიტის შედეგად ათამდე სტატია გამოაქვეყნა ბლოგზე yoldaolmak.com. დიდი წარმატება და მოწონება ხვდა წილად ბათუმის შესახებ Facebook გვერდზე fb.com/YoldaOlmak გამოქვეყნებულ ფოტოებსა და პოსტებს.

სოციალურ ქსელში ჩატარებული აქტივობის შედეგად ჩვენებების რაოდენობამ 1 655 515, ხოლო კომენატრების, მოწონებებისა და გაზიარების რიცხვმა 36 126-ს მიაღწია.

მოწონებების განსაკუთრებული რაოდენობა დაიმსახურა ბათუმის ბოტანიკურმა ბაღმა.