ბათუმის ჯაზ-ფესტივალი ტრადიციულად ივლისის თვეში 2007 წლიდან იმართება და უამრავ ჯაზის მოყვარულს იზიდავს. ფესტივალი აჭარის მთავრობის უშუალო მხარდაჭერით ტარდება. ღონისძიების ორგანიზატორია "Eastern Promotion", რომელიც ჯაზ-ფესტივალის ფარგლებში მრავალ სხვა საინტერესო კონცერტსა და გასართობ საღამოს უწობს ბათუმელებსა და მის სტუმრებს. ფესტივალის ორგანიზატორები ყოველწლიურად მსოფლიოში ცნობილ ჯაზის მომღერლებსა და ჯგუფებს იწვევენ. ივლისის 3-4 დღე ბათუმში ნამდვილი ჯაზის დღესასწაულია.

გასულ წელს ბათუმის ჯაზ ფესტივალს გრემის შვიდგზის მფლობელი ამერიკელი ჯაზმენი ელ ჯერო (Al Jarreau) სტუმრობდა. ბათუმი 2014 წლის 24-27 ივლისს რიგით მე-7 საერთაშორისო ჯაზ-ფესტივალს უმასპინძლებს .