საკრუიზო ლაინერი "აზამარა ჯორნი" 22 აგვისტოს შემოვიდა ბათუმის ნავსადგურში. იგი "პრინსენდამის" შემდეგ სიდიდით მეორე გემია. გემზე ეკიპაჟის წევრების ჩათვლით 1.100 მგზავრია. მგზავრთა უმრავლესობა ამერიკიდან, ინგლისიდან და ევროპის სხვადასხვა ქვეყნებიდან არიან. "აზამარა ჯორნი" ბათუმში ტრაპიზონიდან შემოვიდა და იგი ცნობილ საკრუიზო ხაზს "აზამარა კრუიზს" ეკუთვნის. ლაინერის სიგრძეა 181 მეტრი. ქალაქ ბათუმში ჩამოსულ მგზავრებს მომსახურება გაუწია ტურისტულმა კომპანიამ "აბ ვიზიტ აჭარა". მათ მიერ მომზადებული პროგრამების მიხედვით ტურისტები დაათვალიერებენ რეგიონის ღირშესანიშნაობებს, ბოტანიკურ ბაღს, ეწვევიან ქართულ ოჯახს, დაესწრებიან ხალხურ ფოლკლორულ კონცერტს ბათუმის ხელოვნებისა და მუსიკის ცენტრში. ლაინერის გასვლის წინ 16:30 საათისათვის საზეიმო გაცილება მოუწყობა, რომელშიც მონაწილეობას მიიღებს საზღვაო აკადემიის ორკესტრი.