14-16 თებერვალს ესტონეთის დედაქალაქში ყოველწლიური საერთაშორისო ტურისტული გამოფენა Tourest-2014 გაიმართება. მასში აჭარის ტურიზმისა და კურორტების დეპარტამენტი საქართველოს ტურიზმის ეროვნულ ადმინისტრაციასთან ერთად იქნება წარდგენილი. გამოფენა 1991 წლიდან ტარდება ტალინში და მასში 25-ზე მეტი ქვეყანა მონაწილეობს. ბალტიისპირეთის ქვეყნები საქართველოს ტურიზმის ეროვნული ადმინისტრაციის მიერ 2014 წლის მნიშვნელოვან ტურისტულ ბაზრად სახელდება. აჭარის ტურიზმისა და კურორტების დეპარტამეტი მიმდინარე წელს ბალტიისპირეთის ქვეყნებში სხვადასხვა მარკეტინგულ ღონისძიებას გეგმავს.