28-30 მარტს აჭარის ტურიზმისა და კურორტების დეპარტამენტი მეგობარი რეგიონის სტატუსით მონაწილეობას მიიღებს პლონეთის ქალაქ კატოვიცეში გამართულ მე-20 საერთაშორისო ტურისტულ გამოფენაში - "GLOBalnie 2014". პოლონეთის სილეზიის ვოივოდიესა და აჭარას შორის არსებული თანამშრომლობის ფარგლებში ტურიზმის დეპარტამენტის თანამშრომლები აჭარისათვის გამოყოფილ სპეციალურ სტენდში წარადგენენ ჩვენი რეგიონის ტურისტული პოტენციალის ამსახველ მასალებს, გამართავენ შეხვედრებს. გამოფენაში 45 ქვეყანა მონაწილეობს და 300.000-მდე ვიზიტორი ჰყავს. აღსანიშნავია, რომ წლევანდელ სეზონზე ვარშავა-ბათუმის ჩარტერულ ფრენებს კატოვიცა-ბათუმის პირდაპირი ფრენებიც დაემატება.