ზოგადი აღწერა:

ძველი ბანკის შენობის, რესკონსტრუირებულ, უნიკალურ არქიტექტურულ შენობაზე განთავსებულია სპეციალური მექანიზმით აღჭურვილი "ასტრონომიული საათი", რომელიც დროის გაგების პარალელურად, საშუალებას გვაძლევს გავიგოთ ასტრონომიული ინფორმაცია. კერძოდ: მზის, მთვარის, ზოდიაქოს თანავარსკვლავედისა და პლანეტების განლაგება. ასევე, ის უჩვენებს მერიდიანს, ჰორიზონტს, მზის გადაადგილების მიხედვით მზის ამოსვლისა და ჩასვლის დროს, მთვარის ასაკსა და მთვარის რეალურ მოძრაობას დედამიწის გარშემო. ასტრონომიული საათის მიერ მოწოდებული ინფორმაცია ერთდროულად საინტერესო და სასარგებლოცაა.