ბათუმის დელფინარიუმი საზეიმოდ გაიხსნა 1975 წელს. ეს იყო პირველი სადემონსტრაციო დელფინარიუმი ყოფილ საბჭოთა კავშირში და მსოფლიოს უდიდეს დელფინარიუმებს განეკუთვნებოდა. დელფინარიუმის არსებობა ქალაქს და მთლიანად რეგიონს ტურისტებისთვის უფრო მიმზიდველს ხდიდა. სწორედ ამ ობიექტის უსაზღვრო პოპულარობამ განაპირობა დელფინის ქალაქის სიმბოლოდ დამკვიდრება. 90-იანი წლების დასაწყისში ობიექტმა ფუნქციონირება შეაჩერა. 20 წლიანი პაუზის შემდეგ კი იმავე ადგილას კვლავ ამოქმედდა სრულიად ახალი დელფინარიუმი, რომელიც გათვლილია 703 მაყურებელზე. ინფრასტრუქტურაში შედის ინვალიდი და უნარშეზღუდული პირების მომსახურება პანდუსითა და ლიფტებით.