Acariya dəniz kurortları ilə zəngindir. Kobuleti ilə Batumi arasında kiçik kurort yerləri çoxdur: Çakvi, Tsixidziri, Mtsvane Kontsxi, Maxindjauri. Orada dincəlmək çox faydalıdır, xüsusilə də pulmonologiya, nevrologiya, kardiologiya sahəsində problemlərini həll etmək istəyənlər üçün. Bu yerlərin təbiəti də adamı valeh edir – subtropik iqlim, geniş çimərliklər, regionda ən qocaman və iri botanik bağlarından biri, yaşıllıq içində gizlənmiş mehmanxanalar və qestxauzlar. Sizin üçün, ailəniz və dostlarınız üçün unudulmaz yer!
Acar sahilində iqlim subtropikdir: qışı isti, yayı qızmardır. Dənizyanı regionlarda hava çox rütubətlidir. Acariyanın dağ hissəsi isə qışda qara bürünür. Ümumilikdə düzənlikdə və dağlarda orta temperatur olduqca mülayimdir: düzənlikdə 24 С, dağlarda isə - 19 С civarında. Qışda orta temperatur müvafiq olaraq 5 С və 3 С təşkil edir.
Yaz
Acariyada yaz isti və xoşagəlimli, maqnoliya və kameliyaların rayihəsi ilə doludur. Regionun qoruqlarında quşları müşahidə sezonun açılması Acariyanı bütün dünyada ornitoloqların və kənd turizmi həvəskarlarının diqqət mərkəzinə qoyur. Səyyahlar bura yürüşlər, kempinq, qayalara dırmaşma, şərab və aşpazlıq master-klasları, yerli təamları dequstasiya etmək və kənd evlərində yaşamaq üçün gəlirlər.
Yay
Qızmar yay və çimərlik kurortları dünyanın bir çox ölkəsindən istirahət edənləri bura cəlb edir. Batumi sahili, Kvariati, Sarpi, Çakvi və Kobuleti kurortları istirahətini gözəl keçirmək üçün müxtəlif üsulları təqdim edir.
Payız
Payızda Acariya daha da gözəldir. Payızın sonunadək hava günəşli və isti olur – məhz bu vaxtı məxmər sezon adlandırırlar. Lakin turistlərin istirahət etdiyi yer tək dəniz deyil: kənd turizmi və şərab turları Acariyaya daha çox insanları cəlb edir. Payızda üzüm məhsulunu toplamağa başlayırlar. Səyahətçilər toplama işlərində iştirak edə və qədim ənənəvi şərabçılıq prosesinin bir hissəsinə çevrilə bilərlər.
Qış
Qışda sizi yeni Acar kurortu Qoderdzi gözləyir. O, təbiətin toxunulmazlığı, təmiz havası, fantastik şərabları və gözəl dağ xizək enişləri ilə heyran edir. Qışda dincəlmək üçün möhtəşəm yerdir.
Yeni dağ-xizək kurortu Qoderdzi Acariyada 2015 ilin dekabr ayında açılıb. Batumidən oraya getmək üçün sizə iki saata yaxın vaxt lazım olacaq. Kurortun ən hündür nöqtəsi – dəniz səviyyəsindən 2390 metr hündürlükdədür, aşağı və yuxarı nöqtələr arasında hündürlüklərin fərqi – 690 metrdir.
Qoderdzi ərazisində mehmanxanalar və kənd evləri var. Yerli sakinlərin evində qalmaq bu yerlərin folkloru, mətbəxi və səmimi qonaqpərvərliyi ilə tanış olmaq deməkdir. Qoderdzinin toxunulmaz gözəlliyi və qarın miqdarı yeni gələnlərin də, ekstremal frirayd sevənlərin də ürəyincə olacaq.
Acariyadakı tətili festival və konsertlərsiz təsəvvür etmək çətindir. Onların miqyası və müxtəlifliyi istirahətinizi unudulmaz edəcək. Ənənəvi olaraq iyul ayında aləmə səs salan Batumi Black Sea Jazz Festival, Jamiroquai, De La Soul, Joss Stone kimi ulduzları və bir çoxlarını öz səhnəsində toplayır. Kobuletinin yaxınlığında yerləşən Black Sea Arena konsert zalı həmçinin Kristina Aqilera, Aerosmith, Scorpions, Qoran Breqoviç, Maroon 5 - bir sözlə istənilən sözvqə uyğun məhşur ulduzları dəvət edir. Digər incəsənət və mədəniyyət sahələrinin nümayəndələri BIAFF Batumi beynəlxalq kino festivalına, "Night Serenades" klassik musiqi festivalına, "Tofuzi" animasiya kino festivalına gəlirlər. "Gandagana" quşlara müşahidə festivalı və kənd turizmi festivalı çərçivəsində Acariyanın ənənələri və təbii ənamları ilə tanış olmaq olar.
Parlaq yaşam həvəskarları üçün Acar dəniz kurotları çox uyğundu. Yayda klublar düz dənizin yanında açılır, və dünya səviyyəli DJ-lərin unudulmaz əyləncə gecələri məhz orada baş tutur. Brend otellərdəki lounge-barlar sakitləşdirici canlı musiqini sevənlər üçün uyğun gələcək. Bir sözlə, gecə həyatı non-stop rejimində gedir. Uzun tətillərinizi Acariyada keçirəcəksinizsə, mütləq bütün növ əyləncələrdən zövq almaq imkanını qaçırmayın– həm otel barlarında,həm də gecə klublarında.
Ailəsi ilə tətil keçirmək istəyənlər üçün bizim region bir çox maraqlı əyləncə və məkanları təklif edir. Əminik ki, Batumi delfinariumu sizin və uşaqlarınızın çox xoşuna gələcək – delfinlərin şousuna baxmaq və ya sadəcə bu heyranedici füsunkar heyvanlarla üzməyi sizə məsləhət görürük. Ən xoş təəssüratlar sizin olacaq! Bu təəssüratın bitməməsi üçün, uşaqlarınızı Kobuletinin yaxınlığında “Tsitsinatela” əyləncələr parkına attraksionlara aparın. Və əlbətdə ki, dayvinq, su idman növləri, akvapark, akvarium yaxınlarınızla unudulmaz istirahət etməyinizə yardımçı olacaq.
Xüsusilə geniş mətbəxi ilə fərqlənən Acariya Gürcüstanın ən maraqlı regionlarından biridir. Dənizlə dağlar arasında həyat özündə həm əti, həm balığı, həm də tərəvəzləri daxil edən unikal reseptləri yaratdı. Və əlbətdə ki, yerli mətbəxin kralı, görünüşü maraqlı olan və fantastik dada malik acar xaçapurisidir. Digər xaçapuri növlərini səhər yeməyi, nahar və ya şam yeməyi ilə yemək olarsa, acar xaçapurisi özü özlüyündə səhər yeməyi və ya şam yeməyidir.
Qara dəniz sahilində yaşayan xalq – lazlar ənənəvi “qayıq” formasını fikirləşib xaçapurinin ortasına yumurta əlavə etdilər. Deyirlər ki, bu günəş rəmzidir. Odur ki, gördüyünüz kimi, acar xaçapurisi – dadlı yemək olmaqla yanaşı, həm də gözəl, və simvolik yeməkdir - onda dəniz də, günəş də birləşir.
Gürcü şərabçılıq tarixinin 8000 il yaşı var – bunu çoxsaylı arxeoloji açıqlamalar və tarixi faktlar da təsdiq edir. Müasir dünya yekdilliklə qəbul etdi ki, Gürcüstan şərabçılıq mədəniyyətinin vətənidir. Versiyaların birinə görə ingilis sözü “wine” (vayn) gürcü „ღვინო“ (qvino) sözündən yaranıb. Qeyd etmək lazımdır ki, kvevridə şərab istehsalı metodu 2013 ildə YUNESKO maddi olmayan mədəni irs statusuna layiq görülmüşdür. Gürcüstanda 500 çox üzüm növü yetişir, onlardan yüksək keyfiyyətli şərab istehsal edirlər. Saperavi, Çxaveri, Rkatsiteli, Kindzmarauli, Tsitska-Tsolikouri, Xvançkara, Tvişi, Usaxelouri, Odjaleşi və s. gürcü şərablarının unikal növlərinə aid etmək olar.
Gürcü mətbəxi özünü müxtəlifliyi, reseptlərin zənginliyi və süfrə düzəltmək üslübü ilə məhşurdur. Digər dillərdə supra kimi hal üçün termin yoxdur. Heyrətamiz təamların tamadanın gülməli uydurma tostları ilə növbələşən miqyaslı ziyafəti başqa cür neçə adlandırmaq olar?
Tostlardan başqa, tamada tamaşaçıları mahnılar, şeirlər və tarixçələr ilə əyləndirməlidir. Ümumilikdə, tost demək ənənəsi Qafqaz xalqlarına xasdır, lakin tamada – sırf gürcü fenomenidir. Eyni sözü supranın ikinci vacib içtirakçısı olan merikipe barədə də demək olar. Məclisin bütün iştirakçılarının stəkanlarını nəzərə çarpmadan dolu saxlamaq onun vəzifəsidir.
Sizin üçün daha bir vacib termin – alaverdi. Tamada kiməsə «alaverdi» dedikdə, o, tamadanın tostunu davam edə bilər, bu da hörmətli iş hesab edilir.
Acariyanın qonaqpərvərliyini seyrəngah guşələrində yerləşən onlarca kənd qonaq evlərində və ya şərab zirzəmilərində öz üzərində hiss edə biləcəkləriniz.
Acariya – Gürcüstanın qoruq əraziləri çərçivəsində qayğı ilə qorunan inanılmaz təbii sərvətə malik regionlarındandır. Zəngin bitki aləmi kolxida meşəsi və torf mamırı kimi nadir nüsxələri ilə boldur. Acar qoruqları aktiv turizm həvəskarlarına ziplaynda, qayıqda gəzmək, raftinq-tur çərçivəsində çay aşağı düşmək və təbiətdə digər sakitləşdirici və müsbətə kökləyən digər fəallıqlarla məşğul olmağı təklif edirlər. Qoruqların bir çoxu – Mtirala, Kobuleti və Kintrişi – Kobuleti dənizkənarı kurortunun yaxınlığında yerləşir. Milli park Maçaxela Batumiyə yaxın yerləşir.
Acariya çox saylı şəlalələri və təbii gölləri ilə öyünə bilər. Heyrətamiz təbiət və ildən ilə yaxşılaşan turizm infrastrukturu regionun qonaqlarına səyahətdən həzz almağa şərait yaradır. Batumidən 28 kilometr məsafədə yerləşən Maxuntseti şəlaləsinə səhər çimməyi və dəniz yanında günəş vannalarını qaçırmadan getmək, təbiətlə yaxınlıqdan həzz almaq və axşam isə dənizkənarı bulvarların fəal həyatına qayıtmaq olar. Təbiətdə olmağı sevənlər dağlarda fıstıq meşələri arasında gizlənmiş Yaşıl gölə (Mtsvane Tba) yollana bilərlər.
Regionda ən iri olmaqla, Batumi botanika bağının əsası 1912 ilə qoyulmuşdur. Orada siz kolxida meşələrinin nümunələrini və dünya florasının minlərlə digər bitkilərini – məsələn, Avstraliyadan, Yeni Zelandiyadan, Himalaydan, Şərqi Asiyadan, Şimali və Cənubi Amerikadan, Meksikadan, Aralıq dənizindən gətirilmiş bitkiləri görə bilərsiniz. Botanika bağı – təbiəti sevənlər üçün sehrli yerdir.
Heç şübhəsiz ki, qonaqpərvərlik – səciyyəvi gürcü xasiyyətlərindən biridir. Bizim üçün qonaq – allahın töhfəsidir, və bizim əsas məqsədimiz – ona qulluq etməkdir. Qonaqpərvərlik sadə adətlərə əsaslanmışdır: gələni müxtəlif təamlara və şəraba qonaq etmək. Keçmişdə acarlar hətta həyətlərində uzaqdan gələnlər üçün sığınacaq qururdular, və burada yemək, içmək və yatmaq üçün yer mövcud idi. Gecələr yanan şam təsadüfi yolçuya istiqamətverici kimi xidmət edirdi ki, o gəlib yesin, bir stəkan şərab içsin və rahat yatacaqda yuxulasın. Müasir qonaqpərvərliyin kökləri məhz bu ənənəyə söykənir.
Təbiətin ruhu oxşayan gözəlliyi, bitki və heyvanların müxtəlifliyi, həmçinin acarların qonaqpərvərliyi regionumuzun kəndlərini kənd turizmi üçün ideal yerə çevirir. Turistlər yerli camaatın həyatına axıb qarışa bilirlər – özlərini fermerlikdə sınamaq, bağda işləmək, şərabçının və ya arıçının iş günlərini yaşamaq, sənətləri ilə tanış olmaq, at belində gəzmək, ova, balığa və ya yürüşə getmək. Əlbətdə ki, bütün bunlarla məşğul olmaq istəyirsinizsə məhz bu kəndlərdə, və ya Acariyanın hansısa qonaq evində bir gecə qalmalısınız.
Ritm, dinamika, həndəsi rəsm, intizam, enerji, komandada iş və fərdlilik – bütün bunlar gürcü rəqsləri barədədir. Rəqslər burada bütün ölkənin tarixi– mübarizəni, böyüməni, sülhü, məhəbbəti, sevinc və kədərin birləşməsini özündə təcəssüm etdirir. Dəqiq, sərt sololar dinamik qrup xoreoqrafiyası, xəncərlə rəqs – qadın partiyasının yüngül, təntənəli hərəkətləri ilə növbələşir. Gürcü rəqsləri – hollivud filmlərindəki xüsusi effekti səhnələr kimidir. Lakin əslində bütün tryuklar sadə rəqqaslar tərəfindən yerinə yetirilir. Acariyaya səyahəti unudulmaz etmək istəyirsinizsə əmin olun ki, hansı rəqs şousuna gedəcəyinizi düşünmüsünüz. Qandaqana və xorumi rəqslərinə diqqət yetirin.
Gürcü çoxsəsliyi xüsusi ahənginə və gur olmasına görə bütün dünyada məhşurdur. O, YUNESKONUN maddi olmayan mədəni irsi siyahısına daxil edilib. Çoxsəslilik strukturu yüzilliklər boyunca dəyişiməmişdir, və bu günə kimi onu ölkənin istənilən hissəsində - şəhərlər və kəndlərdə, kilsələr və monastırlarda, mədəni tədbirlər zamanı eşitmək olar. Ənənəvi supra çoxsəsli mahnısız mümkün deyil. Onun səslənməsi – gürcü DNT və bizim milli xasiyyətimizin bir hissəsidir.
Qonio-Apsaros qalası I əsrdə tikilib. Onun strateji yerləşməsi çox mühüm idi: qala Çoroxi və Adjaristskali çaylarının kəsişməsində yerləşirdi, burada həmçinin Gürcüstanın bir neçə regionu da kəsişirdi. Qalanın ilk versiyası Roma imperiyası zamanı (b.e.ə. III-IV əsrlər) tikilmişdir, sonra o, Qara dəniz şahilində etibarlı sitadel olmaqla Bizans (VI - VII əsrlər) və Osman imperiyası (XVI əsr) zamanı mövcud idi. Qonio-Apsarosun tarixi həmçinin arqonavtlar haqqında əfsanə ilə bağlıdır: deyirlər ki, onun ərazisində hokmdar Eetin oğlu, Kolxidadan qaçan Yasonun əlindən dünyasını dəyişən Apsaros dəfn edilib. Belə də deyirlər ki, İsa Məsihin apostolu Matfey də Qonioda dəfn edilib.
Alaqapı körpüləri – Acariyanın yaxşı qorunmuş mədəni abidələrindən biridir. Onları regionun həm dənizkənarı hissələrində, həm də dağlarda görmək olar. Onların bir çoxu IX-XII əsrlərdə, məlikə Tamarın hakimiyyəti dövründə tikilmişdir, buna görə də onları çox vaxt “Tamarın körpüləri” adlandırırlar. Bu körpülər Şimali Qafqazın, Kiçik Asiya ölkələrinin və cənub ölkələrinin ticari yollarını bir biri ilə bağlayırdılar. Dandalo, Furtio, Maxuntseti, Miravti körpüləri ayrıca vizitə layiqdirlər.
Acariyada siz, bizim eradan əvvəl I yüzillikdən başlayaraq müxtəlif dövrlərə aid bir çox qala görəcəksiniz. Pyotr və Xixani qalaları strateji yerləşmə və memarlıq cəhətdən xüsusilə seçilir. Bu mədəniyyət abidələri Acariyanın mənzərəli dağlarında gizlənmişdilər.
Pyotr qala-şəhəri Tsixisdziri kurortunun yaxınlığında yerləşir. İmperator Yustinianın dövründə VI əsrdə tikilmiş olan, o, mühüm hərbi-strateji mövqe tutub ciddi iqtisadi əhəmiyyət daşıyırdı.
Dəniz səviyyəsindən 2635 metr hündürlükdə tikilmiş Xixani qalası məlikə Tamarın hakimiyyəti vaxtı, XII-XIII əsr tikililərinə aid edilir. Onun “Tamar qalası” qeyri-rəsmi adı da burdan yaranıb. Onun strateji yerləşməsi sakinlərinə düşmənə birinci hücuma keçmək şansını verirdi. Çox vaxt o, gürcü hökmdarları üçün sığınacaq rolunu oynayırdı. Xixani ərazisində kilsə, çörəkxana və şərab zirzəmisi hələ də qalmaqdadır.
Qatı şopoqoliklər üçün Batumi bir çox maraqlı yerləri təklif edir. Siz şəhərlə tanış olub maraqlı nəsə almaq istəyirsinizsə, köhnə Batumiyə gedin və Melaşvili, Memed Abaşidze, Konstantine Qamsaxurdiya küçələrində gəzişin. Həmçinin Qorqiladze küçəsində Batumi Mall ticarət mərkəzinə və Lex və Mariya Kaçinskiy küçəsində Metro City yeni ticarət mərkəzinə yollana bilərsiniz. Orada dünya brend mağazaları təqdim olunub.
Son illərdə ölkəmiz Gürcüstan əsilli məhşur dizaynerlərin sayəsində moda sevərlərin diqqət fokusundan çıxmır. Batumi də bu cərəyandadır! Əl işləri məmulatları mağazaları və gürcü butikləri – şəhər mühitinin vacib hissəsidir. Dizaynerlərimizin istənilər zövqə uyğun bir çox maraqlı işlərini Вatumidə tapmaq olar – sadəcə Memed Abaşidze küçəsində və ya Xilton otelin ətrafında gəzmək kifayətdir.
Gürcü tətilindən emosiyalarınızı bölüşmək, vətənə qayıdandan sonra onları uzun müddət qoruyub saxlamaq istəyirsiniz? Yerli şərab və çurçxela alın, bu ən gözəl yeməli suvenirlərdir! Keda bələdiyyəsindən Çxaveri və Tsolikouri təbii çəhrayı şərablara diqqət yetirməyinizi məsləhət görürük – o, parlaq samanı rəngilə seçilir. Qozdan, üzüm suyundan və az miqdarda undan hazırlanan gürcü şirniyyatı çurçxela, - şərabın əla yoldaşıdır. Batumi küçələrində bir çox şərab mağazası vardır ki, burada yerli istehsalçılardan şərab da, şirniyyat da almaq olar.
Ənənəvi orqanik inqrediyentlərdən və ev ərzaqlarından dadmaq üçün istənilən dəniz kurortunun bazarına gedin. Вatumidə, əlbətdə ki, böyük bazar da var. Tətil zamanı sizin sevginizi qazanmış əsl Gürcüstan dadını dostlarınıza və ailənizə gətirin! Ev şərabı, çaça, gürcü pendirləri, quru meyvələri, bal, şirniyyat – bütün bunlar bazarda ala biləcəklərinizin ən kiçik siyahısıdır.